Eitt Concorde-flogfar hjá franska flogfelagnum Air France misti ein part av velróðrinum, meðan tað var á veg úr París til New York fyrradagin. Tað eydnaðist kortini flogfarinum at seta seg í øllum góðum.
Fyri bert einari viku síðani noyddist eitt annað Concorde-flogfar hjá Air France at neyðlenda í Kanada, tí trupulleikar vóru við motorunum, og hesir báðir tilburðirnir hava aftur sátt iva um, hvussu trygg hesi flogførini eru. Tað eru bara Air France og bretska British Airways, sum hava Concorde-flogfør, og bretska flogfelagið hevur sagt, at tað umhugsar at taka síni fimm Concorde-flogfør úr rutu. Air France hevur sjey slík flogfør.
Í juli í 2000 doyðu 113 fólk, tá eitt Concorde-flogfar hjá Air France datt niður, júst sum tað var farið á flog í Charles de Gaulle-floghavnini uttan fyri París.
