Eins og undanfarin ár verður demodagur í Handverkarabúðini hjá Bygma Balslev í Hoyvík, sum serliga er ætlað handverkarum.
Hesaferð verður tiltakið seinnapartin hin 25. februar, sum er mikudagin, og tá fer Jakob Quaade frá Festool í Danmark at vísa fram nýggj amboð av merkinum Festool.
Merkið Festool hevur sín uppruna heilt afturi í 1925, tá Gottlieb Stoll stovnaði virkið Festo. Í 2000 varð navnið broytt til Festool.
Festool er veitari av professionellum el-amboðum til fakmannin, sum leggur seg eftir at hava høga dygd og at veita fullfíggjaðar arbeiðsskipanir og loysnir.
Fleiri nýggj amboð eru komin á marknaðin seinastu árini frá Festool.
