Um vikuskiftið kunngjørdi norski forsætisráðharrin, Jens Stoltenberg, at stjórnin fer at játta tríggjar mia. krónur um árið í trý ár til at bjarga regnskóginum á Jørðini. Samstundis skal eitt altjóða stýri veljast til at umsita pengarnar. Nú hava norskir umhvørvisfelagsskapir mælt stjórnini til at lata fyrrverandi forsætisráðharran Gro Harlem Brundtland leiða stýrið, og Jens Stoltenberg segði í gjár, at hann fer at tosa við Gro um málið. Gro Harlem Brundtland er í dag ráðgevi hjá ST í veðurlagsmálum.
