Tey trý pørini, sum plaga at fiska gulllaks í summarhálvuni, men sum seinastu tíðina hava fiskað makrel, fara nú aftur á gulllaksaveiði.
Tað veit heimasíðan hjá Jóanisi Nielsen at siga.
- Polarhav og Stjørnan royna sunnast í føroyskum sjógvi, og Vestmenningur og Skoraberg fóru nýggjan túr á midnátt.
Heimasíðan veit at siga, at triðja parið, Eysturbúgvin og Vesturbúgvin, eisini gera klárt at fara avstað aftur.
Hugsandi er, at gulllaksavertíðin, sum vanliga byrjar tíðliga í apríl, varar umleið ein mánað ella so aftrat.
