Advokatar fingu 19 árslønir hjá einum arbeiðara

Vit skrivaðu um »kradd­a­­r­a­­stæt­t­ina«, advokatarnar, sum duga serliga væl at skriva rokningar.
Men tað er í hesum føri at leggja advokatunum ov nógv fyri, at teir duga so væl at skriva rokningar, tí vit hava eitt so fantastiskt sys­t­em, sum so at siga skriv­ar rokn­ing­ar­nar fyri teir. Upp­hædd­in, sum varð nevnd fríggj­a­dag­i­n upp á 4,5 mió krónur var til báðar partarnar í mál­i­num, sakføraran hjá Taks og sak­før­ar­aran hjá Vinnuni, á­vik­a­vist Djóni Thomasen og Christ­ian Andreasen.
Spurningurin er ikki um inn­satsin hjá advokatunum, og hvussu nógva tíð teir brúka til slíkt arbeiði, spurn­ing­ur­in er bara, hvussu stór upp­hædd­in er, sum partarnir stríð­ast um.
So smart fungerar syst­em­ið fyri summi. Tí summi eru meira verd enn onnur. Tað er ein avgerð, sum verð­ur tik­in onkr­a­staðni uppi í syst­em­in­um. Tað eru fólk, sum eru »klók­ari« enn pol­i­tik­ar­ar, sum bara standa sum neyt og einki tora at gera við hini fólk­ini, sum í veruleikanum hava nógv størri makt enn poli­tik­ar­arnir.
Um vit umrokna sak­før­a­r­arokn­ing­ar­nar í hes­um mál­i til ar­beiðs­mann­a­løn­ir, sum er um 19.600 krónur um mán­að­in, so svar­ar hetta til, at ein maður við ar­beiðs­mann­a­løn ar­beiddi í 19 ár við hes­um máli, áðr­enn hann tjenti tað sama, sum hesir báðir ad­vo­kat­ar­nir.
So vit kunnu bara stað­festa, at fjøldin er býtt, fyri ikki at siga pillbýtt. – Ella í øll­um før­um, at summi be­trakt­a fjøld­ina sum býtta, har­í­mil­l­um rætt­ar­skip­an­in.