Fløgan hjá bretsku songkvinnuni, Adele, sum ber heitið "21", liggur á einum fimmta plássi á einum lista yvir tær mest seldu fløgurnar í Stórabretlandi.
Higartil hevur tað verið Thriller fløgan hjá Michael Jackson, sum hevur ligið á fimmta plássi.
Fløgan hjá Adele er seld í 427.300 eintøkum, og tað eru 500 fleiri enn Thriller fløgan. Tað vísa nýggj sølutøl frá Official Charts Company.
Sølan gongur framvegis væl hjá Adele, tí í løtuni verða umleið 20.000 eintøk seld um vikuna.
- Tað er undrunarvert, at Adele hevur megnað at yvirhála Thriller á hesum listanum yvir mest seljandi fløgur í søguni, sigur stjórin í Official Charts Company, Martin Talbot.
Á hesum sama lista liggur Queens Greatest Hits á fyrsta plássi. Sum nummar tvey liggur Sgt Pepper´s Lonely Hearts Club Band hjá The Beatles, ímeðan fløgan hjá Abba, Gold - The Greatest Hits, er á triðja plássi.
