Tað er líkt til, at nýggja loysnin hjá AB á venjarabonkinum verður funnin í felagnum. Nøvn sum Eli Hentze hava verið sett í samband við AB, men tað tykist meiri sannlíkt, at tað verður inni í felagnum at loysnin verður funnin.
Oddbjørn Joensen hevur verið hjálparvenjari, men hevur royndir sum høvðusvenjari, og stóð á odda fyri HB farna kappingarár, tá teir vunnu FM. Hann er tí eitt upplagt evni til nýggjan høvðusvenjara.
Ein møguligur hjálparvenjari kundi verið Morten Overgaard, sum í fjør var millum týdningarmiklastu spælararnar hjá felagnum. Miðverjin er illa plágaður av skaðum og tað er óvist um hann spælir aftur fyribils.
Hann hevur leiðara evni. Tað hevur hann víst í leiklutinum sum miðverji farnu árini. Hann er eitt gott boð upp á ein hjálparvenjara.
Oddbjørn Joensen verður fyribils høvðusvenjari hesa vikuna.
