AB hevur í kvøld sett Trygva Mortensen sum venjara hjá besta liðnum. Talan er um sáttmála fyri 2016. Tað skrivar heimasíðan hjá felagnum.
Tað var greitt, at AB skuldi finna nýggjan venjara, tá Sámal Erik Hentze tók av avbjóðingini, at verða venjari hjá Víkingi. Argjamenn høvdu herfyri vitjan av Jesper Fredberg, sum er fyrrverandi høvðusvenjari hjá AGF. Talan bleiv tó um ov dýra loysn.
Trygvi Mortensen hevur farnu tvey árini verið venjari hjá NSÍ. Serliga í ár hevur hepnast væl, har liðið fekk tvey silvurheiðursmerki. Eitt í landskappingini og eitt í steypakappingini.
