Tað er alt, sum bendir á, at AB verður aftur í fremstu røð í 2013. Hóast bara seks dystir eru spældir, so hava 07 Vestur og argjamenn lagt sjógv millum seg og hini liðini, sum kunnu flyta upp í bestu deildina.
AB vann aftur í dag, tá næstbesta liðið hjá B68 vitjaði inni í Vika á Argjum. Úrslitið varð 4-0. Bjartur Kjærbø, Jobin Drangastein og Alex Mellemgaard, sum skjeyt tvey mál, stóðu fyri málunum.
Sigurin ber við sær, at AB er fyribils oddalið í næstbestu deildini. 07 Vestur, sum eisini hevur fult stigatal, spælir sunnudagin á heimavølli móti Víkingi.
AB B68 II 4-0 (2-0)
Inni í Vika, Argir
1-0: Bjartur Kjærbo, 6.
2-0: Jobin Drangastein, 24.
3-0: Alex Mellemgaard, 82.
4-0: Alex Mellemgaard, 90.
AB: Thomas Juul Thomsen Martin Midjord, Leivur Holm Joensen, Tummas Justinussen, Alex Mellemgaard Bjartur Kjærbo, Mikkjal T. Henzte, Jónas Stenberg, Dion B. Splidt (Yohan A. Borðoy, 76.) Beinir Ellefsen (Gert Drangastein, 76.) Jobin Drangastein
Gult kort: Leivur Holm Joensen
Venjari: Sámal Erik Hentze
B68 II: Mads Nesá Høgni Hansen, Niklas Poulsen, Haraldur R. Højgaard, Búi í Hjøllum (Gunnar Johannesen, 83.), Óli H. Olsen, Ramon Højgaard (Trúgvi Kjeld, 77.), Hákun Edmundsson, Fróði Johannesen (Andri Gerðisá, 86.), Jóhan Petur Petersen, Aron Højgaard.
Venjari: Oddmar Andreassen
