Tey donsku stríðsflogførini, sum hava verið við í Libya-átakinum, hava verið 593 ferðir í libyskum loftrúmi, og hesar ferðirnar hava tey slept 923 bumbum ímóti ymsum málum í Libya. 330 danir hava verið uppi í átakinum teir sjey mánaðirnar, sum tað vardi.
Steen H. Hartov hjá flogvápninum sigur, at tey donsku flogførini og teirra manningar hava gjørt eitt gott arbeiði í Libya-átakinum. So skjótt NATO lýsir átakið endað, koma tey donsku F16-flogførini aftur til Danmarkar. Afturtøkan fer kortini at taka einar fjúrtan dagar, tí flogførini hava havt nógva útgerð á Sisilia, har tey hava havt støð.
NATO-sendiharrar hava í dag havt fund um støðuna í Libya, nú Muammar Gaddafi er deyður.
