Semjan á privata arbeiðsmarknaðinum gevur arbeiðarum 6,96 meira um tíman yvir trý ár. Hartil verður eftirlønin økt 3% Umframt ymsar dagføringar av sáttmálaásetingum, fevnir semjan um lønarhækking, eftirlønarhækking og hækking í starvstíðarviðbótunum.
1. mai 2007 hækkar grundlønin við 2,22 kr
1. mai 2008 hækkar grundlønin við 2,32 kr
1. mai 2009 hækkar grundlønin við 2,42 kr
Eftirlønin hækkar við 1% hvørt árið.
Gjaldið fyri arbeiði í skiftisvakt hækkar, samstundis sum skipanin verður gjørd meiri liðilig.
Partarnir hava harafturat undirskrivað protokollat um rúmliga arbeiðsmarknaðin og gjørt ymsar aðrar tillagingar í sáttmálanum og álitismannaskipanini.
