Tá allar myllurnar í Neshaga framleiða við fullari megi, svarar tað til 8,5 prosent av allari el-framleiðslu í Føroyum.
Tað sigur borgarstjórin í Nes kommunu, Jóhannus Danielsen, í kunning til borgararnar í kommununi.
Tað var í 2012, at SEV setti fimm nýggjar Enercon-vindmyllur í rakstur í Neshaga.
- Tríggjar av teimum nýggju myllunum eru settar upp sambært framleiðsluloyvunum, sum SEV fekk til tríggjar myllur á Eystnesi.
Lagt verður aftrat, at tvær myllur komu í staðin fyri tær tríggjar Vestas-myllurnar, sum eru tiknar niður.
- Um allar vindmyllurnar í Neshaga framleiða við fullari megi í eitt ár - tað er 24,5 GWt - so svarar hetta til 8,5 prosent av allari el-framleiðslu í Føroyum í 2011, sigur borgarstjórin, Jóhannus Danielsen.
