Manchester United vann heili 8-2 á Arsenal á Old Trafford í dag. Wayne Rooney skoraði hattrick, meðan Arsene Wenger hevur nógv at hugsa um í Arsenal, ið bara hevur eitt stig aftaná tríggjar dystir.
Mangan hava Manchester United og Arsenal kempa um meistaraheitið í tøttum og spennandi uppgerðum. Tað verður ikki tilfeldi í ár um dysturin í dag er nakað at ganga eftir. Manchester United vann ikki minni enn 8-2 og tað kundi enntá verið meiri.
Manchester United var á odda 3-1 í hálvleikinum og eina løtu sá út til, at dysturin kundi blíva spennandi. Men so tók Manchester United fullkomliga yvir og tað endaði við einum meistarligum 8-2 sigri.
Sigurin merkir, at Manchester United liggur á odda við fullum stigatali saman við Manchester City. Arsenal hevur bara eitt stig á 17. plássi. Arsene Wenger er longu undir trýsti á Emirates og tað trýstið verður ikki minni eftir stórtapið í dag.
Premier League:
Manchester United Arsenal 8-2
1-0 Danny Welbeck, 22
2-0 Ashley Young, 28
3-0 Wayne Rooney, 41
3-1 Theo Walcott, 45
4-1 Wayne Rooney, 64
5-1 Nani, 67
6-1 Ji-Sung Park, 70
6-2 Robin van Persie, 74
7-2 Wayne Rooney, 82 br
8-2 Ashley Young, 90
Tottenham Manchester City 1-5
0-1 Edin Dzeko, 34
0-2 Edin Dzeko, 41
0-3 Edin Dzeko, 55
0-4 Sergio Aguero, 60
1-4 Younes Kaboul, 68
1-5 Edin Dzeko, 90
Newcastle Fulham 2-1
1-0 Leon Best, 48
2-0 Leon Best, 66
2-1 Clint Dempsey, 88
West Bromwich Stoke 0-1
0-1 Ryan Shotton, 90
