Klokkan 10:20 savnast næmingar, lærarar og starvsfólk skúlan uttan fyri Venjingarskúlanum á Frælsinum. Og tá fara tey í skrúðgongu út í nýggja skúlan úti á Fløtum.
Nú nýggi skúlin verður tikin í nýtslu flytir skúlin á Fløtum úr fimm skúlabygningum, sum fara at standa tómir uttan næmingar: Venjingarskúlin, Argja skúli, Ytri skúli við Landavegin, skúlin í Kongagøtu og FSF-húsið.
– Nú flyta vit. Góðu starvsfólk, næmingar, foreldur og onnur avvarðandi. Nú upprennur dagurin, vit øll hava bíðað eftir í spenningi, skrivar leiðsla skúlans í fráboðan, har kunnað verður um, hvussu dagurin í dag verður skipaður:
– Mánadagin 2/11-2020 flyta vit inn í nýggja, stásiliga skúla og frítíðarskúla okkara. Ætlanin fyri mánadagin er henda. Forskúli, 1.fl og 2.fl møta í Kongagøtu kl 8. 3.fl - 9.fl møta á Frælsinum kl 10. Síðan fara vit øll starvsfólk í skúla og frítíðarskúla saman við okkara næmingum í skrúðgongu niðan í Hans Andriasar gøtu.
Skrá mánadagin:
10:00 Gera klárt til skrúðgongu
10:20 Skrúðgonga av Frælsinum niðan í Hans Andriasar gøtu 10
11:00 Flokkarnir fara í sínar heimastovur
12:00 Miðmáli og rundtúrur á skúlanum í flokkum
13:00 Dagslok, frítíðarskúlin tekur yvir
Skrá týsdagin
1.-4. tími er eftir tímatalvuni.
Frá middegi eru skúlin og frítíðarskúlin stongdir orsakað av hátíðarhaldi.
Orsakað av koronatilmælum er hátíðarhaldið einans fyri innbodnum.
Skrá miku- hós- og fríggjadagin
Undirvíst eftir tímatalvuni, og frítíðarskúlin er opin sum vanligt.
Opið hús, eftir at skúladagurin er lokin. Lýst verður við hesum serskilt.
Skrá leygar- og sunnudagin
Opið hús. Lýst verður við hesum serskilt.
