Lívfrøðingurin og harumaðurin Eyðfinn Magnussen er helst hann, ið veit mest um harur og haruveiðu í Føroyum og nú hevur hann gjørt veiðuna upp fyri árið 2013.
Á facebook boðar hann soleiðis frá:
-Eg havi arbeitt víðari at skráseta harutøluni frá farna ári. Eg havi ringt runt til fólk, og eri nú við at fáa fatur á teimum seinastu tølunum. -Tilsamans havi eg nú skrásett 7.562 harur, sum eru skotnar á 891 túrum kring landið. -Eg bíði eftir teimum seinstu tølunum, sum eg vænti at fáa Ãí hesi vikuni. So fari eg undir at skriva frágreiðingina. ”Haruveiðan í Føroyum 2013”. -So er tað framvegis onkur, sum ikki hevur givið mær tølini, ella um tit eru vitandi um onkran, so væsignaði, gevi mær boð um hettar. -Á myndini havi eg samanborið haruveiðuna dag fyri dag í ár (reyðu linjurnar) við tað, sum var skotið í 2012 (bláu linjurnar) . Her sæst, at tað serliga var tann fyrist dagurin i árinum, sum ger munin. Síðani hevur gongdin verið á leið tann sama bæði árini, hóast verðrið í ár hevur verið stak vánaligt, skrivar Eyðfinn Magnussen.
