Meiri enn hálv onnur millión fólk doyðu ella vórðu særd, tá reyði herurin leyp á 6. herin hjá Nazitýsklandi við Stalingrad tann 19. novembur í 1942. Bardagin um býin verður mettur sum bendin í seinna heimsbardaga í Evropa.
Eftir ógvusligar bardagar og eitt blóðbað, sum kostaði meiri enn hálva aðru millión mannalív, góvust leivdirnar av 6. týska herinum við mótstøðuni, og tann 31. januar í 1943 gav týski ovastin, Paulus, seg yvir saman við teimum monnunum, sum hann hevði eftir. Av teimum 100.000 týsku hermonnunum, sum gjørdust krígsfangar, komu 5.000 aftur til Týsklands á lívi.
Stalingrad eitur nú Volgograd, og á hvørjum ári minnast fólk byrjanina til álopið tann 19. november í 1942. Soleiðis var eisini í gjár, tá nógvir gamlir hermenn hjá reyða herinum komu saman býnum, samstundis sum russiski herurin vísti nakað av teirri útgerð, sum herurin hevur í dag.
