Teir, sum hava keypt Vesturleika, hava sett nógvan partapening í felagið. Vesturleiki, fyrr Beinir, kom fyrrapartin flaggskrýddur á Sørvág.
Fitt av fólki var komið oman á bryggjuna at taka ímóti skipinum, og umboð fyri bygdaráðið ynskti eigarunum góða eydnu við skipinum.
Tað eru Tummas Henriksen, reiðari, og aðrir, sum hava keypt skipið fyri knappar 20 mió. krónur, og partapeningurin er heilar 6,5 mió. krónur, skrivar Jóanis Nielsen á heimasíðu síni.
