Áhugin at koma til Føroya við ferðamannaskipum, cruiseskipum, er vaksandi. Kortini er hetta ein vinna, sum verður undirmett.
Tað heldur stjórin á Visit Tórshavn, Theresa Turidardóttir Kreutzmann.
Tá ið talið á ferðafólkum hvørt ár verður gjørt upp, verða ferðafólkini við ferðamannaskipunum ikki tald við.
Sambært ferðaráðnum verður talið á vanligum ferðafólkum mett at vera millum 40.000 og 45.000 fólk um árið.
Talið á ferðafólkum, sum komu við ferðamannaskipum í fjør, var beint yvir 52.000 og væntandi verður talið tað sama í ár.
Sostatt er talið av cruise-ferðafólkum hægri enn talið á vanligum ferðafólkum.
Hoyr samrøðu við Theresa Turidardóttir Kreutzmann niðanfyri
