70 bátsmanningar fara at taka lut í FM kappróðrinum, sum í kvøld verður í Hósvík. Talan er um FM kappróðurin, sum leygardagin 17. juni varð útsettur orsaka av vánaligum róðrarlíkindum.
Ferðslan verður stór til Hósvíkar seinnapartin, tá ið bátarnir og 514 rógvarar saman við leiðarum og viðhaldsfólkum stevna úr øllum landinum og til Hósvíkar.
Róðrarsambandið hevur ikki ásett ávísa tíð, tá ið bátarnir skulu vera á róðrarøkinum, men tað verður mælt til, at tað verður møtt í góðari tíð. Undirstrikað verður, at tað verður ikki bíðað eftir bátum, ið ikki eru komnir, tá ið tað er ásett, at bátarnir skulu leggja at startinum.
Í kvøld verður ikki kappast heilt í tí røðini, sum tað plagar at vera. Stóra broytingin er tann, at 8-mannaførini fara at rógva nógv fyrri, enn tey plaga at rógva. Í kvøld fara 8-mannaførini at kappast klokkan 19.50 ella, tá ið barnaróðrarnir hava verið, og eftir at 5-mannafør gentur og 6-mannafør kvinnur hava kappast.
At tað er lagt soleiðis til rættis í kvøld kemst av, at manningarnar úr Suðuroy skulu sleppa suður aftur við Smyrli í kvøld.
Um tað gongur, sum tað er ætlað, so fer flaggið upp fyri 10-mannaførunum klokkan 21.05. Startskotið verður so umleið klokkan 21.10, og síðsta skotið á málinum í Hósvík verður latið av, tá ið klokkan verður eitt korter til tíggju - um tað gongur væl og tað lagar seg soleiðis, sum tað verður vónað og er ásett.
Tað verður sagt frá góðum róðrarlíkindum í kvøld. Hann verður eystan og landnyrðingur og millum tveir og sjey metrar um sekundið.
Barnaróður dreingir
Flaggið upp kl 1800
4 Ørnin
5 Svalan
6 Beinta
7 Tjaldrið
8 Falkur
(Ver) Ingibjørg
10 Firildur
11 Jallurin
12 Ternan
13 Tekla tils. 10 bátar
Barnaróður gentur
Flaggið upp kl 1825
3 Pílur
4 Kollur
5 Fípan Fagra
6 Spógvin G
7 Frúgvin G
8 Firvaldur
(Ver) Ingibjørg
10 Falkur
11 Svalan
12 Sílið
13 Knúkur
14 Havfrúgvin
15 Ørnin
tils. 13 bátar
5-mannafør gentur
Flaggið upp kl 1920
4 Fenja
5 Royndin Fríða
6 Blikur
7 Pílur G
8 Drekin
(Ver) Firvaldur
10 Beinta
11 Hulda
12 Kollur
13 Báran
14 Falkur
tils. 11 bátar
6-mannafør kvinnur
Flaggið upp kl 1935
7 Hósvíkingur
8 Rádni
(Ver) Sølmundur
10 Páll Fangi
tils. 4 bátar
8-mannafør
Flaggið upp kl 1950
7 Knørrur
8 Argjabáturin
(Ver) Tofta Regin
10 Árnfirðingur
tils. 4 bátar
5-mannafør dreingir
Flaggið upp kl 2005
3 Havfrúgvin
4 Ingibjørg
5 Drekin
6 Teistin
7 Pílur
8 Sílið
(Ver) Fípan Fagra
10 Royndin Fríða
11 Jallurin G
12 Títlingur
13 Frúgvin
14 Firildur
tils.12 bátar
6-mannafør menn
Flaggið upp kl 2020
6 Fortuna
7 Lómur
8 Hvessingur
(Ver) Sundabáturin
10 Hósvíkingur
11 Jarnbardur
tils. 6 bátar
5-mannafør kvinnur
Flaggið upp kl 2050
6 Sílið
7 Teistin
8 Erla Kongsdóttir
(Ver) Jallurin
10 Drekin
11 Tekla
tils.6 bátar
10-mannafør
Flaggið upp kl 2105
7 Havnarbáturin
8 Drekin Reyði G
(Ver) Klaksvíkingur
10 Ormurin Langi
tils. 4 bátar
