SÍ tók seg veruliga saman í fjórða setti, og syrgdi við 25-17 fyri, at hendan flogbóltsfinalan fær fimm sett. Fjórða sett byrjar sum annað sett. SÍ kemur beinanvegin upp á 3-0, áðrenn Dráttur megnar at gera nakað sum helst.
SÍ kemur upp á 5-1, men so vinnur Dráttur seg inn aftur í settið og kemur upp á 4-5.
Hesin munurin heldur sær eina lítla løtu. Bóltarnir ganga ikki leingi, og SÍ vinnur fleiri skjótar bóltar og kemur upp á 11-5.
Fimm sett liggja í luftini, og lagið hjá sørvingunum millum áskoðararnar er heilt gott.
Nú vinnur Dráttur sær aftur stig. Blokkurin byrjar aftur at rigga, og munurin sjúnkar til 4 stig. Hetta heldur sær tó ikki leingi, tí SÍ díkir á og kemur upp á 15-7.
Dráttur blívur tó við at royna, og megnar at vinna seg upp á 11-15, áðrenn SÍ tekur time out.
SÍ kvinnur savna seg og vinna settið 25-17.
