Tað var ein ordans finala millum 5-mannaførini við dreingjum á ólavsøku í dag. Royndin Fríða og Heykur stóðu á jøvnum við 35 stigum fyri seinasta róðurin.
Royndin Fríða leyp avstað beinanvegin, og Karin var í hølunum á teimum. Heykur misti eina bátslongd í startinum, men so líðandi róðu teir seg inn aftur í kappingina.
Tað endaði við einum øgiligum endaspurti millum Royndina Fríðu og Heyk um FM-heitið, og tá ið máldómarin lat skotini ganga av, var Royndin Fríða úr Vági ein lítlan stavn framman fyri Heyk og vann FM. Karin varð nummar 3.
5-mannafør dreingir – støðan FM 2019
1. Royndin Fríða 42 stig
2. Heykur 41 stig
3. Karin 32 stig
