207 sentimetra høgi og 190 kilo tungi Haftur Bjørnsson er sterkasti maður í Norðurhøvum. Tað varð staðfest í Ítróttarhøllini á Hálsi í kvøld, har Battle of the North var á skránni.
Fimta og seinasta kappingin á skránni var deadlift. Her ræður um at lyfta tyngstu byrðuna, og vektin at byrja við er 320 kilo. Síðani kunnu luttakararnir velja at lyfta ella at bíða. Fyri hvør umfarið, sum gongur, verða 20 kilo løgd afturat vektini, sum skal lyftast uppfrá.Hvør luttakari hevur í mesta lagi fýra lyft.
Myndir frá kappingini síggjast HER
Her steðgaði bæði Bogi og Ole Martin, tá teir royndu at lyfta 360 kilo, sum teir ikki fingu lyft upp í rættstøðu. Við hesum endaði Bogi eitt stig aftan fyri norðmannin í samlaðu støðuni. Bogi hevði undan kappingini sum mál at sleppa undan aftasta plássinum, og tað gekk altso akkurát ikki. Og so kunnu bæði hann og føroyingar iðra seg um, at hann ikki var 2/100 sekund skjótari, tá trappurnar vóru á skránni.
Íslendski Haftur og enski Laurence kappaðust um, hvør kundi lyfta tyngstu byrðuna. Her lyfti Haftur 440 kilo, og í royndini at vinna seinastu kappingina, leyp Laurence hesa vektina um. Tað var eisini nær við, at bretin kláraðu tey 460 kilo’ini, men hann kom ikki reiðiliga upp í rættstøðu, áðrenn hann mátti sleppa.
Soleiðis vann Haftur Bjørnsson hesa kappingina, og hann gjørdist eisini fremstur í samlaðu støðuni.
Deadlift
Haftur Bjørnsson (ÍSL) 440 kg
Laurence Shahlaei (UK) 420
Nicolai Hansen (DK), 380
Ole Martin Hansen (NOR) 340
Sebastian Davidsson (SVØ), 340
Bogi Hammer (FR) 340
Endaliga støðan
Haftur Bjørnsson (ÍSL) 25
Laurence Shahlaei (UK) 21
Sebastian Davidsson (SVØ), 17
Nicolai Hansen (DK), 17
Bogi Hammer (FR), 13
Ole Martin Hansen (NOR) 12
Hinar kappingarnar
Tyre-Flip
Sebastian Davidsson (SVØ), 28,94 sek
Laurence Shahlaei (UK) 30,26
Ole Martin Hansen (NOR) 31,41
Haftur Bjørnsson (ÍSL) 32,31
Nicolai Hansen (DK), 36,22
Bogi Hammer (FR), 36,50
Truck-pull
Haftur Bjørnsson (ÍSL) 30,5,
Bogi Hammer (FR), 38,03
Laurence Shahlaei (UK) 40,38
Nicolai Hansen (DK), 45,69
Sebastian Davidsson (SVØ), 50,66
Ole Martin Hansen (NOR) 61,47
Grip
Laurence Shahlaei (UK) 39,19 sek
Nicolai Hansen (DK), 33,03
Haftur Bjørnsson (ÍSL) 30,72
Sebastian Davidsson (SVØ), 28,88
Bogi Hammer (FR) 15,84
Ole Martin Hansen (NOR) 11,18
Power stairs
Haftur Bjørnsson (ÍSL) 27,16
Ole Martin Hansen (NOR) 28,09
Sebastian Davidsson (SVØ), 28,78
Nicolai Hansen (DK), 28,88
Bogi Hammer (FR) 28,90
Laurence Shahlaei (UK) 30,97
