Umleið 4.000 børn í aldrinum 3 - 10 ár úr øllum landinum, koma til tær 12 barnakonsertirnar sum Føroya Symfoniorkestur hevur í Norðurlandahúsinum hesa vikuna. Høvuðsverkið hesuferð er nýtt tónleikaverk sum symfoniorkestrið hevur umbiðið.
Kári Bæk hevur skrivað tónleikin, Rakul Helmsdal skrivað søguna og Janus á Húsagarði hevur gjørt tekningarnar.
Annfinnur Heinesen er frásøgumaður og fortelur søguna meðan orkestrið spælir tóneikin og myndirnar síggjast á stórskýggja.
