Týsdagin 27. februar 2018 var hátíðarhald á Suðuroyar Ellis- og Røktarheimi fyri Helenu Augustinussen, sjúkrarøktarfrøðingi, og Mariann Joensen, sjúkrahjálpara, ið hava starvast á heiminum í ávikavíst 40 og 25 ár.
Í hesum sambandi blivu blómur og gávur handaðar, og Anna Djurhuus, leiðari hjá Bú- og Heimatænastuni, segði nøkur orð, har hon takkaði fyri góða og trúgva tænastu.
Frá vinstru: Hervør Eidesgaard, deildarleiðari á Suðuroyar Ellis- og Røktarheimi, Helena Augustinussen sjúkrarøktarfrøðingur úr Vági, Mariann Joensen heilsurøktari úr Froðba og Daimi Kjærbo eindarleiðari hjá Bú- og Heimatænastuni í Suðuroy
