Tað var løgtingsformaðurin, Jógvan á Lakjuni, sum beyð teimun 32 umboðunum vælkomnum.
– Í dag og í morgin manna tit ungu Løgtingið, meðan tey, sum vanliga eru í løgtinginum, hava fingið frí, segði Jógvan á Lakjuni.
##med2##
Hesar dagarnar seta næmingarnir dagsskránna í Løgtinginum, og hetta er ein frálíkur møguleiki hjá næmingunum at skifta orð um evni, sum teir halda vera týdningarmikil.
12 uppskot koma til viðgerðar á Ungdómstinginum. Tað vóru tey ungu, sum løgdu uppskotini fram.
##med3##
Uppskotini fevna millum annað um valrætt, skúlaviðurskifti, ferðslumál og at banna plasti.
Hetta er sjeyndu ferð, at ungdómsting verður hildið í Føroyum.
Luttakandi flokkarnir umboða Skúlan á Giljanesi, Tvøroyrar skúla, Vágs skúla, Hoyvíkar skúla, Skúlan við Løgmannabreyt ogNám X.
Sí myndir frá ungdómstinginum.
##ms##
