Arbeiðið at byggja Tórshavnar Musikkskúla gongur væl. Tveir bygningar verða í skúlanum. Í størra bygninginum verða undirvísingarhøli umframt fyrisiting og annað. Minni bygningurin er til framførslur og venjingar. Pláss verður til umleið 300 áskoðarar.
Mánadagin 20. novembur vórðu síðstu takelementini løgd á Orkesturhøllina. Skandek A/S hevur framleitt takelementini. Talan er um størstu takelement í søgu felagsins. Størsta elementið er 23 metrar langt og 1 metur høgt.
Í næstu viku verða betongelement (hæddarskilnaður) løgd á fyrstu hæddina á størra bygninginum.
Húsavarðartænastan er høvuðsarbeiðstakari. Arkitektateknistovan Kontrast hevur teknað og verkfrøðingar eru HMP, SMJ og LBF.
Skúlin verður liðugur á vári 2019.
Myndir og filmsbrot: Kontrast
