Tann lívshættisliga tarmbakterian VTEC hevur kostað trimum týskarum
afturat lívið, so nú hevur bakterian kravt 30 mannalív í Týsklandi.
Tað kunngjørdu teir týsku heilsumyndugleikarnir í dag. Í dag doyði ein 57
ára gamal maður í Frankfurt, og í gjár doyðu ein 68 ára gamal maður og ein
20 ára gomul kvinna.
Enn hava teir týsku myndugleikarnir ikki funnið smittukelduna, og fyribils
mæla teir fólki frá at eta ráar tomatir, agurkur og salat úr
Norðurtýsklandi. Myndugleikarnir hava illgruna til bønarspírar frá einum
garði í Niedersacshen, men enn er einki prógv funnið har.
Higartil eru 2.800 fólk í 14 londum smittað av VTIC-bakteriuni. Av teimum
eru 20 fólk í Danmark. Í Svøríki hevur bakterian kravt eitt mannalív.
