Mánadagin er Dagur og Vika og ítróttarsendingin 3-2 aftur á skránni. Tað boðar Kringvarpið frá, nú tillagingar eru gjødar í skránni
-Tað er við gleði, at vit nú aftur kunnu veita hyggjarum og lurtarum eitt betri og meiri fjølbroytt tilboð, sigur stjórin í Kringvarpinum, Dia Midjord.
-Eftir eina strævna tíð við djúptøknum tillagingum og sparingum, hyggja vit nú frameftir. Vit hava skipað skránna i útvarpinum eitt sindur øðrvísi og leggja m.a. størri dent á leygardagin, tá nógvir lurtarar hava frí, staðfestir kringvarpsstjórin.
Tíðindasendingin í sjónvarpinum, Dagur og Vika, verður nú aftur mánakvøld. Somuleiðis ítróttarsendingin, 3-2. Eftir Dag og Viku týskvøld verður kjak um eitt aktuelt mál. Kjakið verður 10 minuttir longri enn higartil. Miðað verður eisini eftir at hava eina føroyska sending eftir Dag og Viku hóskvøld
Vangamyndin og eitt mentanarinnslag eru eftir Dag og Viku fríggjakvøld, soleiðis at sendingin fríggjakvøld varar einar 40 minuttir, boðar Kringvarpið frá í tíðindaskrivi.
Gekkurin verður fluttur fram, og hyggjarar fáa høvi at royna eydnuna beint eftir Dag og Viku fríggjakvøld.
