Ársúrslitið hjá Fíggingargrunninum frá 1992 í fjør var eitt yvirskot upp á 2,6 milliónir krónur í mun til eitt yvirskot upp á slakar 34 milliónir krónur í 2016.
Høvuðsvirksemið hjá Fíggingargrunninum frá 1992, sum landsstýrið eigur, er at eiga partapening í P/F BankNordik. Tað skal vera sum partapening ella sum ábyrgdarpening. Grunnurin kann selja sínar ognir í P/F BankNordik, men hendir tað, so skal tað gerast undir marknaðartreytu.
Fíggjarstøðan hjá Fíggingargrunninum frá 1992 fyri 2017 vísir eina javnvág upp á 390 milliónir krónur.
Føroya Landsstýrið eigur allan partapeningin í P/F Fíggingargrunninum frá 1992
– Úrslitið kemst fyrst og fremst av, at partabrævakursurin á BankNordik lækkaði úr kurs 135,5 við árslok 2016 til kurs 106 við árslok 2017, og at grunnurin fekk útgoldið vinningsbýti frá BankNordik upp á 100 milliónir krónur.
Fíggingargrunnurin hevur síðani 2004 goldið landskassanum góðar tvær milliardir krónur
2017 100 milliónir krónur
2016 7 milliónir krónur
2015 5 milliónir krónur
2014 5 milliónir krónur
2013 3,3 milliónir krónur
2012 0 milliónir krónur
2011 12 milliónir krónur
2010 0 milliónir krónur
2009 0 milliónir krónur
2008 15 milliónir krónur
2007 1.212 milliónir krónur
2006 5 milliónir krónur
2005 595 milliónir krónur
2004 50 milliónir krónur
Tilsamans 2.009,3 milliónir krónur – ellar góðar tvær milliardir krónur.
