Kanningar hjá flóttafólkaskrivstovuni hjá ST vísa, at nú eru 253.206 fólk flýdd úr Sýrialandi til grannalondini Turkaland, Libanon, Irak og Jordan. Harafturat eru meiri enn ein millión sýrialendingar flóttafólk í egnum landi, og sambært mannarættindafelagsskapinum Human Rights Watch sita nógv flóttafólk føst millum teir stríðandi partarnar í býnum as-Safira, sum er í Aleppo-landspartinum.
ST-talsmaðurin Adrian Edwards sigur, at kreppan í Sýrialandi tann ringasta í heiminum í dag.
Samstundis halda bardagarnir inni í Sýrialandi fram. Í dag lupu stjórnarhermenn aftur á býin Aleppo. Tað ljóðar, at 140 fólk doyðu í bardøgum ymsastaðni kring landið í gjár.
