John er sonur Esther, f. Madsen, úr Give á Jútlandi, og Henning Ellefsen úr Miðvági. John er føddur í Danmark í 1944 og var hálvtannað ára gamal, tá familjan flutti Føroya og búsettist í Miðvági.
Í 1959 fór hann í læru sum bilmekanikari hjá Steingrím Nattestad í Miðvági. Eftir at hava lært í tvey ár flutti hann til Havnar og lærdi víðari á bilverkstaðnum hjá Wenzel Petersen úti í Bakka. Hann varð útlærdur í oktobur 1963, árið eftir bleiv hann settur sum verkførari á bilverkstaðnum. Í 1970 flutti verkstaðurin í nýggjan bygning við Oyggjarvegin. 1. oktober 1978 bleiv John settur í starv sum sýnsmaður á akfarstryggingini hjá Tryggingarsambandinum Føroyar, og miðskeiðis í 80-unum bleiv hann settur leiðari hjá sýnsmonnunum.
Arbeiðið sum sýnsmaður er nógv broytt hesi 25 árini. Fyrstu árini blivu teir flestu bilarnir sýnaðir úti á vegnum niðri á Kongabrúnni. Í dag verða bilarnir sýnaðir á bilverkstøðunum í samstarvi við verkførarnar og sýnsmenninar hjá tryggingarfeløgunum, og teir hava eina framkomna Autotaks-skipan, sum lættir munandi um arbeiðið.
John er giftur við Borghild, f. Joensen, úr Dali, tey eiga tvey børn, Jógvan og Guðrið, sum bæði búgva á Argjum.
