Danskir miðlar skriva í morgun um eitt nýtt met í Champions League. Teir endurgeva Infostrada Sports fyri at siga, at ongantíð áður hava so nógvir ymiskir tjóðskapir verið umboðaðir á sama fótbóltsvølli.
Teir 22 leikararnir, sum byrjaðu dystin í gjár, komu frá 18 ymiskum londum.
Hugvekjandi er tað, at hóast dysturin var millum eitt italskt lið og eitt enskt lið, so var best umboðaða landið Brasil. Inter hevði nevniliga heilir tríggjar brasilumenn á vøllinum frá dystarbyrjan, men bara ein italiumann.
Manchester United var nakað frægari, tá tað kom til at nýta leikarar úr sínum egna landi. Teir báðir onglendingarnir Michael Carrick og Rio Ferdinand byrjaðu inni, og í seinna hálvleiki kom eisini Wayne Rooney á vøllin, so tá vóru heili tríggir onglendingar á vøllinum.
Tey 26 leikararnir, sum komu úr teimum 18 ymsu londunum, vóru hesir:
Brasil: Adriano, Júlio César, Maicon
Argentina: Esteban Cambiasso, Javier Zanetti, Julio Cruz
Ongland: Michael Carrick, Rio Ferdinand, Wayne Rooney
Bulgaria: Dimitar Berbatov
Kolumbia: Nelson Rivas, Ivan Córdoba
Frankaríki: Patrice Evra
Gana: Sulley Muntari
Holland: Edwin van der Sar
Írland: John O´Shea
Italia: Davide Santon, Mario Balotelli
Norðurírland: Jonny Evans
Portugal: Cristiano Ronaldo
Rumenia: Cristian Chivu
Serbia: Dejan Stankovic
Skotland: Darren Fletcher
Suðurkorea: Ji-Sung Park
Svøríki: Zlatan Ibrahimovic
Wales: Ryan Giggs
