Klokkan 21.40 í kvøld verður fyrsta konsertin á Sandinum í ár, og tað vera 200 sum byrja.
Eftir ætlan skuld tað vera danski bólkurin Reptile Youth, sum skuldu seta hol á stóran pallin á G! í ár, men vegna veður eru hesi ikki komin til Føroya.
Ístaðin verður tað punkbólkurin 200, sum letur stóra pallin upp í ár.
- Vit sóu at ólag var á flogferðsluni, so vit skrivaðu til Jón Tyril, at um hann hevði tørv á hjálp, so skuldi hann bara siga til. Og tað gjørdi, segði Niels Arge Galán við Rás2 fyri løtu síðani.
Tað eru einans tveir tímar síðani, at 200 fekk boð um at byrja Sandin í kvøld.
- Vit hava nógvar sangir at taka av, og hava spælt í nógv ár, so tað skal nokk ganga, greiða teir tríggir í 200 frá.
