2.977 flóttafólk eru higartil í ár druknað á teirra ferð yvir um Miðjarðarhavið. Síðan í mars verður mett, at umleið 20 fólk drukna um dagin í Miðjarðarhavinum.
Tað upplýsir IOM, ST-stovnurin fyri fólkaflytingar.
Hóast fjølmiðlarnir ikki geva flóttafólkastreyminun um Miðjarðarhavið eins stóran ans sum undanfarnu ár, so merkir tað ikki, at trupulleikin er loystur. Tvørturímóti stúrir ST-stovnurin fyri, at støðan er versnað.
- Vit fara uttan iva um 3.000 markið fleiri mánaðir skjótari í ár enn undanfarnu tvey árini, sigur Joel Millman, talsmaður fyri IOM, við al Jazeera.
Higartil í ár verður mett, at 250.000 flóttafólk eru komin til Evropa við at taka ferðina um Miðjarðarhavið við bátum úr Afrika.
