Virksemið hjá Havsbrún hevur verið stórt seinastu nógvu árini, og tí hevur verið neyðugt við stórum goymsluhølum. Havsbrún hevur tí í fleiri umførum bygt nýggjar goymslubygningar.
- Á heysti 2015 fóru vit undir at byggja tveir nýggjar goymslutunlar. Støddin er 250 x 16 metrar hvør, og haraftrat eru tvær inngongdir á góðar 100 metrar. Tunlarnir skulu brúkast til at goyma mjøl í.
Tað veit Havsbrún at siga. Lagt verður aftrat, at sprongt hevur verið inn í fjallið beint við virkið, og arbeiðið er um at verða liðugt. Tunlarnir verða tiknir í nýtslu í juli 2016.
- Gólvvíddir í tunlunum er 10.000 fermetrar, longdin á hvørjum tunli er 250 metrar, og breiddin er 16 metrar. Goymslukapasiteturin er 20.000 tons, sigur Havsbrún í Fuglafirði.
