Víkingur boðar á heimasíðu felagsins frá, at nýggjur tvey-ára sáttmáli er skrivaður við Philip Djordjevic. Philip kom til Víking úr KÍ í fjør summar, og síðani hevur hann verið mest sum fastur maður á framrættaða miðvøllinum.
Philipp Djordjevic, sum er 19 ára gamal, hevur higartil spælt 72 dystir fyri besta liðið hjá ávíkavist KÍ og Víkingi, og hann hevur skotið átta mál hesar dystirnar.
