Uppreistrarmenninir í Irak hava nóg mikið av vápnum, og nógv teirra eru frá amerikanska herinum. Í einari nýggjari frágreiðig til Kongressina váttar verjumálaráðið Pentagon, at tað dugir ikki at siga, hvat er vorðið av 147.000 riflum og 80 skammbyrsum, sum vórðu sendar til Irak í tíðarskeiðinum frá juni í 2003 til september í 2004.
Pentagon veit heldur ikki, hvat er vorðið av meiri enn 100.000 skottryggum vestum og hjálmum, sum USA sendi til Irak í sama tíðarskeiði.
Verjumálaráðið sigur, at tað hevur broytt ymsar mannagongdir, men at fyribilstøl í ár vísa, at støðan er lítið mætari nú.
