§19 nevndin, ið hevur fingið til uppgávu at kanna Eik grunnin, er nú um at verða liðug við sína kanning, og verður hon latin fram ein av fyrstu døgunum. Tað upplýsir Joen Magnus Rasmussen, formaður í nevndini.
- Vit bíða eftir góðkenningini av hoyringunum. Tað eru referatini frá hoyringunum, ið nú verða góðkendar. Tá tað er klárt, so verður síðsta hond lagt á verkið, kanningin rættlisin og síðani send til prentingar, sigur formaðurin í §19 nevndini.
Joen Magnus Rasmussen upplýsir, at kanningin skjótt verður framløgd.
- Hon verður løgd fram fyrst í næstu viku.
Nevndin er sett at ymisk viðurskifti í samband við Eik grunnin og eftirlitið av honum í tíðarskeiðinum 2002 til 2010.
Í nevndini sita Joen Magnus Rasmussen, Kristina Háfoss og Helgi Abrahamsen.
