Heilsumálaráðið í Gaza sigur, at 16 av tilsamans 35 sjúkrahúsum í Gaza kunnu ikki longur viðgera sjúklingar, tí sjúkrahúsunum vanta brennievni til streymgeneratorarnar.
Tey 19 sjúkrahúsini, sum framvegis eru virkin, kunnu bert veita ógvuliga avmarkaða tænastu, upplýsir ein talsmaður fyri heilsumálaráðið í Gaza í dag.
Fyri umleið einari viku síðan boðaði Heimsheilsustovnurin WHO frá, at tólv sjúkrahús í Gaza lógu lamin.
Stongsulin av Gaza, sum Ísrael hevur syrgt fyri hesar seinastu vikurnar, ger, at her er einki brennievni til at halda orkuverk og streymgeneratorar koyrandi.
- Tað er ein desperatur tørvur á brennievni til lívbjargandi útgerð, upplýsti neyðhjálparskrivstovan hjá ST, OCHA, í dag.
Ísrael vil ikki loyva veitingum við brennievni til Gazageiran og grundgevur hetta við, at brennievni kann verða brúkt til hernaðarlig endamál.
Hetta skrivar tíðindastovan NTB í dag.
