Høgni Mohr úr Havn, er ein teirra, sum væl minnist tað, sum fór fram, í tíðini áðrenn og aftaná krigslok í 1945. Hann var 18 ára gamal og sjómaður um hetta mundið.
Hann verður við á mentanartiltakinum fríggjakvøldið hin 14.september, sum Suðurstreymoyar Tjóðveldisfelag skipar fyri. Hann fer at greiða frá tíðini, og fer at svara spurningum frá Høgna Hoydal.
Á mentanartiltakinum verða eisini kórsangur við sálmum og fosturlandssangum; umframt at hornblástur verður á skránni.
Mentanartiltakið 14.september byrjar kl. 18.30 í Læraraskúlanum, og eftir tað verður farið í veitslu í kantinuni.
Avmarkað pláss er, og tí er neyðugt at melda til áðrenn 10.september.
