Tilsamans 137 vilja verða antin lærari ella pedagogur. Tað er greitt, nú umsóknarfreistin til Føroya Læraraskúla er farin Tá ið freistin at søkja var úti vóru 67 úmsóknir til læraraútbúgvingina og 70 til pedagog. Tað skrivar heimasíðan hjá Kringvarp Føroya, www.kringvarp.fo.
24 sleppa inn á hvørja útbúgving, og umsøkjararnir fáa svar í fyrstu viku í juli.
Í ár eru fleiri umsóknir enn í fjør. Tá freistin at søkja í fjør var úti, vóru 109 umsóknir. Tá varð gjørt av at leingja freistina til á Ólavsøku, og nakrar umsóknir komu afturat.
Í fjør vórðu 48 tikin inn á hvørja av teimum báðum útbúgvingunum, og tey vórðu liðug við 1. árs lestur eftir royndarskipan í síðstu viku.
Kelda: www.kringvarp.fo
