Tað vísir nýggjasta uppgerðin hjá Akstovuni fyri akfør skrásett ársins fyrstu sjey mánaðir.
Tann 1. januar í ár vóru 321 el-bilar skrásettir í Føroyum. Sjey mánaðir seinni tann 1. august vóru teir 453 í tali. Tað merkir, at vøksturin hevur verið 132 bilar ella ein vøkstur í talinum av elbilum upp á 41,1 prosent.
Tilsamans eru seldir 1685 bilar í Føroyum ársins fyrstu sjey mánaðir. Av teimum eru sum nevnt 132 elbilar, og tað svarar til, at 9,1 prosent av bilunum, sum vórðu seldir í ár, eru el-bilar – ella at næstan 10. hvør seldi nýggi bilur er elbilur.
Tilsamans eru skrásett 41.097 akfør í Føroyum, tá øll akfør eru íroknað, eisini viðfestisvognar, kampingarvongar og onnur akfør uttan motor og motorsúkklur og prutl.
##med2##
Um vita bara telja við sjálvkoyrandi akfør uttan motorsúkklur og prutl, so eru tilsamans 33.687 bilar í Føroyum.
Tað merkir, at 1,3 prosent av bilunum í Føroyum eru el-bilar.
