676 børn fødd á Landssjúkrahúsinum í 2016 og 6 á Suðuroyar Sjúkrahúsi
Í fjør vóru 676 børn fødd á Landssjúkrahúsinum. Harav vóru sjey føðingar av tvíburðum.
Føðideildin hevði mest at gera í juli og august, har ávikavist 72 og 70 føðingar vóru.
Sostatt eru 77 børn fleiri fødd á Landssjúkrahúsinum í 2016 í mun til árið fyri, tá 599 børn vóru fødd á Landssjúkrahúsinum.
Fyrsta barnið, sum varð føtt í ár, var sonur Súsonnu Annfinnsdóttir Crooks og Andrew Crooks úr Kaldbak. Tað er siðvenja í Miðlahúsinum at vitja ársins fyrsta føroying, ot tað hevur Súsanna hoyrt nógv um, at hon ivaleyst fór at enda í blaðnum, tá barnið kom í verðina, tí hon varð sett at eiga 1. januar.
Umframt tey 676 børnini, sum sóu dagsins ljós á Landssjúkrahúsinum í fjør, so vórðu seks børn fødd á Suðuroyar Sjúkrahúsi í fjør.
