12 kvinnur valdar á ting seinastu 155 árini

JAVNSTØÐA
Eirikur Lindenskov
eirikur@sosialurin.fo

Tó er Malla Samuelsen tann fyrsta kvinnan, sum hev­ur havt sæti á tingi, tá hon kom á ting í nakrar dagar fyri Marius Johannesen í 1964 - umboðandi Sjálv­stýr­is­flokk­in í Suðurstreymoyar valdømi.
Malla Samuelsen um­boð­aði eisini Sjálvstýrisflokkin í Tórs­havnar Býráð frá 1956-60. Hon er fyrsta kvinnan, sum er vald í Tórshavnar bý­ráð.
Í 1978 vórðu tær fyrstu kvinn­ur­nar valdar á ting. Tað var Jona Henriksen úr Javnaðarflokkinum og Karin Kjølbro úr Tjóð­veld­is­flokk­inum.
Í 1980 fall Jona Henriksen, meðan Karin Kjølbro varð aft­urvald - sum einasta kvinna á tingi. Í 1984 var Karin Kjøl­bro vald – meðan Jón­gerð Purk­hús gjørdist lands­s­­týr­is­kvinna í m. a. fíggj­ar­mál­um - hon er tann fyrsta kvinn­an, sum hevur sitið í landsstýrinum.
Í 1988 vóru Jóngerð Purk­hús og Karin Kjølbro valdar fyri Tjóðveldisflokkin og Mar­­ita Petersen fyri Javn­að­ar­­flokkin.
Í 1990 høvdu tríggir flokk­ar kvinnuliga umboðaðan. Marita Petersen fyri Javn­að­­arflokkin, Helena Dam á Neystabø fyri Sjálv­stýr­is­flokkin og Lisbeth Petersen fyri Sambandsflokkin.
Í 1994 var Marita Petersen vald fyri Javnaðarflokkin, Helena Dam á Neystabø fyri Sjálvstýrisflokkin, Lisbeth Petersen og Maria Hansen fyri Sambandsflokkin og Ing­e­borg Vinther fyri Verk-a­mann­a­fylkingina
Rúna Sivertsen kom á ting sum varakvinna fyri Anfinn Kallsberg í 1996, tá hann fór í landsstýrið
Í 1998 vóru valdar Lis­­beth L. Petersen fyri Sam­bands­flokkin, Katr­in Dahl Jakobsen fyri Javn­að­­ar­­flokkin, Helena Dam á Neystabø fyri Sjálv­stýr­­i­s­flokkin og Ann­ita á Fríð­riks­mørk fyri Tjóð-veld­is­flokkin.
Rúna Siv­ert­sen hevði sæti sum varakvinna fyri Anfinn Kalls­berg.
Í 2002 vóru vald­ar Lis­beth L. Petersen, Katr­­­in Dahl Jak­­ob­sen, Ann­­ita á Fríðriks­mørk og Kristina Háfoss fyri Tjóð­veld­is­flokk­in.
Við seinasta løg­tingsval í 2004 vóru tríggj­ar kvinnur valdar á ting:
Lisbeth L. Petersen
Annita á Fríðriksmørk
Heidi Petersen.

-----

Kvinnur, valdar á ting:

Jona Henriksen 1978-80
Karin Kjølbro 1978-90
Jóngerð Purkhús 1988-90
Marita Petersen 1988-98
Lisbeth L. Petersen 1990-
Helena Dam á Neystabø 1990-2002
Maria Hansen 1994-98
Ingeborg Vinther 1994-98
Katrin Dahl Jakobsen 1998-2004
Annita á Fríðriksmørk 1998-
Kristina Háfoss 2002-04
Heidi Petersen 2004-