10 menn og ein kvinna úr Gøtu eiga yvir 100 milliónir krónur í part í miðal í virkseminum hjá P/F Varðanum. Í fjør var yvirskotið 214 milliónir krónur og felagið er vert 1,12 millardir krónur
Sosialurin skrivar í dag, at partafelagið Varðin í Gøtu hevði eitt gott ár í fjør. Rakstur felagsins kastaði av sær slakar 214 milliónir krónur. Hetta er nógv besta úrslit felagsins nakrantíð.
2015 var eisini eitt sera gott ár hjá felagnum, men tað gav tó »bara« 186 milliónir krónur av sær.
Í 2014 var úrslitið 145 milliónir krónur og í 2013 131 milliónir krónur.
Øll hesi góðu úrslitini – sum eisini vóru góð frammanundan, um ikki altíð í 100 millióna klassanum, hava gjørt Varðan til eitt tað virðismesta felagið í Føroyum – og eigararnir eru tilsamans milliardingar.
Eginpeningur felagsins er sambært roknskapinum nú eina milliard og 121 milliónir krónur.
Í roknskapinum sæst ikki, hvussu stóran part hvør av teimum 11 eigarunum í felagnum eiga. Men í miðal eiga tey 11 fólkini beint undir 102 milliónir krónur í part.
Meira kann lesast í Sosialinum í dag.
Nøkur fakta um P/F Varðan:
Dótturfeløg hjá P/F Varðanum:
P/F Kvamm, Syðrugøta
P/F Krossbrekka, Syðrugøta
P/F Driftin, Syðrugøta
P/F Gulenni, Syðrugøta
P/F Desin, Syðrugøta
P/F Skurin, Syðrugøta
P/F Varðin Pelagic, Tvøroyri
P/F Skygni, Syðrugøta
P/F Hvanngarður, Syðrugøta
Assosierað feløg hjá P/F Varðanum:
P/F Fossá, Sandavágur
P/F Knassar, Hvannasund
P/F Uppsjóvarhavnin, Tvøroyri
P/F Faroe Origin, Runavík
P/F Sílnet, Klaksvík
P/F H. Konoy, Leirvík
Stjórn og leiðsla hjá P/F Varðanum:
Nevnd:
Jógvan Dávid Jacobsen, nevndarformaður
Jógvan Pdetur Hentze, nevndarlimur
Frits Thomsen, nevndarlimur
Jákup Eli Steinbjørn Jacobsen, nevndarlimur
Bogi Jacobsen, nevndarlimur
Jákup Eli Steinbjørn Jacobsen, stjóri
Hesi eiga partabrøv í P/F Varðanum:
Malena Jacobsen, Gøta
Tummas Thomsen, Gøta
Arni Hansen, Gøta
Jógvan Hentze, Gøta
Kári Hansen, Gøta
Jógvan Dávid Jacobsen, Gøta
Frits Thomsen, Gøta
Pól Ø. Jacobsen, Gøta
John Jarnskor, Tórshavn
Jaspur Hansen, Saltangará
Bogi Jacobsen, Sandavágur
Virði tilsamans: 1,12 mia kr
Nøkur lyklatøl hjá samtakinum P/F Varðanum:
Nettosøla: 878 milliónir krónur
Ársúrslit: 214 milliónir krónur
Eginogn: 1,121 milliónir krónur
Starvsfólk: 326
Lønir: 225 milliónir krónur
Skattur: 46,3 milliónir krónur
Tilfeingisgjøld: 62,9 milliónir krónur
