Súkklararnir úr Team Rynkeby fóru fríggjamorgunin við Norrönu til Danmarkar, har tey, sum flestu kunnugt, skulu súkkla úr Padborg til París.
Umborð á Norrönu vórðu tey væl móttikin av starvsfólkunum, har tey millum annað vóru ein túr uppi á brúnni.
– Við sær á ferðini fekk Team Rynkeby eina gávu á 10.000 kr, sum okkara fantastiska manning umborð hevur savnað saman. Peningurin fer beinleiðis inn á kontuna hjá innsavningini, skrivar Smyril Line, sum heilsar Team Rynkeby og ynskri teimum bestu eydnu við súkklingini til París.
