100 ára gamli krígsveteranurin frá Seinna Heimsbardagar, Tom Moore, sum savnaði saman stóra milliónaupphædd til bretska heilsuverkið í fjør, er deyður.
Tað siga døtur hansara í fráboðan í dag, skrivar tíðindastovan Reuters.
Tom Moore varð í síðstu viku innlagdur, eftir at hann varð smittaður við koronuvirus.
– Tað er við stórari sorg, at vit boða frá, at kæri pápi okkara, Tom Moore, kapteynur, er deyður, skriva døtrarnar, Hannah og Lucy, í eini fráboðan.
Tom Moore megnaði at savan saman næstan 33 milliónir pund – umleið 270 milliónir krónur – til bretska heilsuverkið undir koronukreppuni. Hann varð síðani sligin til riddari av Elisabeth II drotning.
Innsavningin fór fram í fjør, stutt fyri 100 ára føðingardagin hjá Tom Moore, tá hann fór undir avbjóðingina, sum fekk so stóra umrøðu.
Hann vildi ganga 100 ferðir aftur og fram í urtagarði sínum í Bedfordshire – bert hjálptur við einum rollatori og viljastyrki.
Avbjóðingin skuldi geva starvsfólki í heilsuverkinum gætur, sum høvdu havt so nógv at gjørt undir koronufarsóttini.
Bretskir miðlar – og síðani miðlar í stórum parti av heiminum – skrivaðu um tann 100 ára gamla kapteynin og innsavning hansara.
Og meira hann gekk aftur og fram í urtagarði sínum, streymaðu veitingarnar inn.
Tiltak hansara fekk Boris Johnson, forsætisráðharra, at heita á drotningina um at gera Tom Moore til riddara. Tað gjørdi hon á einum hátíðarhaldi í juli í fjør við Windsor Castle.
/ritzau/
