55 av 55 sendingum (avleveringum) sótu rætt í fyrra hálvleiki.
So ótrúlig vóru hagtølini hjá 34 ára gamla týska miðvallaranum, Toni Kroos í 5-1 sigrinum hjá týsku vertunum á Skotlandi á Allianz leikvøllinum í München í EM-setanardystinum.
Tað er sjáldsamt at síggja, at ein leikari fær 100 prosent av øllum sendingunum hjá sær at sita rætt í einum hálvleiki.
Í seinna hálvleiki hevði Toni Kroos eina skeiva sending. Yvir allan dystin sótu 101 av 102 sendingum.
EM-endaspælið eru seinastu dystirnir hjá Toni Kroos áðrenn hann stillar gaggurnar og gevst at spæla fótbólt á hægsta støði.
##med2##
