Myndugleikarnir í Kili siga, at umleið 100 fólk liggja undir rapaðum húsum í býnum Conception, sum fór serliga illa í tí harða jarðskjálvtanum. Jacqueline van Rysselberghe, borgarstjóri í Conception, sigur við tíðindastovurnar, at ein íbúðarblokkur í 15 hæddum rapaði í jarðskjálvtanum gjáramorgunin.
Conception er 115 kilometrar frá miðdeplinum í jarðskjálvtanum.
Fleiri eftirskjálvtar hava verið í Kili síðani tann harða skjálvtan. Í dag var ein eftirskjálvti, sum var til 6,1 á Richter-stiganum.
