Sunnudagin var 9.umfar leikt í Betri-deildini hjá monnum, sum merkir at fyrsti triðingurin av kappingini nú er liðugt spældur. Kappingin hevur tikið nøkunlunda skap soleiðis sum væntað var frammanundan.
Í sambandi við at fyrsti triðingurin er liðugt spældur, ber til at finna áhugaverd hagtøl. Millum annað um, hvørji lið hava nýtt flest leikarar og hvørj lið hava nýtt fægst leikarar. Í kappingini higartil eru Suðringar – TB/FCS/Royn – tað liðið, ið hevur brúkt fægst leikarar. Higartil hevur venjarin hjá Suðringum, Glenn Ståhl, nýtt 16 spælarar hetta kappingarárið.
Tað felagið sum higartil hevur nýtt flest leikarar er 07 Vestur. Hjá 07 Vestur hava 22 ymiskir leikarar verið á vøllinum higartil hetta kappingarárið, og er tað tað hægsta talið av leikarum, sum nakað felag higartil hevur nýtt.
Býti av hvussu feløgini hava nýtt leikararnar higartil í kappingini sær soleiðis út:
HB: brúkt 18 leikarar
B36: brúkt 20 leikarar
KÍ: brúkt 20 leikarar
Víkingur: brúkt 19 leikarar
NSÍ: brúkt 17 leikarar
Skála: brúkt 19 leikarar
EB/Streymur: brúkt 18 leikarar
TB/FCS/Royn: brúkt 16 leikarar
AB: brúkt 19 leikarar
07 Vestur: brúkt 22 leikarar
Kelda: FaroeSoccer
